Manuscript Detail

Blaðmerking 1-48.

8 kver.

• Kver I: 7 blöð, 3 tvinn og 1 stakt blað.
• Kver II: 7 blöð, 3 tvinn og 1 stakt blað.
• Kver III: 4 blöð, 2 tvinn.
• Kver IV: 6 blöð, 2 tvinn og 2 stök blöð.
• Kver V: 6 blöð, 2 tvinn og 2 stök blöð.
• Kver VI: 7 blöð, 2 tvinn og 3 stök blöð.
• Kver VII: 1 blað.
• Kver VIII: 8 blöð, 3 tvinn og 2 stök blöð.

• Leturflötur er að meðaltali 178 mm x 138 mm. Hæð og breidd leturflatar er óregluleg, ekki aðeins vegna mismunandi blaðstærðar, heldur einnig á jafnstórum blöðum. Hæð getur verið frá 171 til 187 mm og breidd frá 132 til 154 mm.
• Línufjöldi er óreglulegur, frá 24 til 39 lína.
• Markað hefur verið fyrir dálkum og línum með oddhvössu áhaldi sem gerði (hnífs)oddlaga smágöt sem sjá má á öllum útspássíum, nema bl. 30-40, þar sem markað hefur verið með skurði.
• Síðutitlar á bl. 1r, 3r, 11r, 22v, 27r, 35v, 38r, 44r, 45r, 48v.
• Auðir reitir fyrir upphafsstafi og fyrirsagnir.

• Upprunalega skrifað á lélegt skinn.
• Handritið er frekar illa farið og skítugt og skriftin sums staðar máð. Blekblettir og smitun eru víða.
• Göt sem rekja má til verkunar skinnsins eru á bl. 2, 4, 16, 25, 32-33, en seinni tíma skaðar eru á bl. 30 og 40.
• Efri hluti bl. 44 rifinn af, nú viðgert.
• Tjón af völdum vatns má sjá á bl. 6v, 7r og 39v.
• Vantar framan og aftan af handriti.
• Á eftir bl. 2, 18, 25, 38 vantar 1 blað.
• Á eftir bl. 10, 16, 23 vantar 2 blöð.
• Á eftir bl. 24 vantar 6 blöð.

Stefán Karlsson (2000:236) taldi eina hönd á handritinu en Lasse Mårtensson (2011:249–264) komst að þeirri niðurstöðu að skrifararnir væru tveir.

Ekki hefur verið fyllt í reiti fyrir upphafsstafi og fyrirsagnir nema á bl. 16v og 24v, þar sem eru leifar af rauðum lit í upphafsstöfum, og á bl. 27v og 38v, þar sem er síðari tíma pennakrot.

• Leiðréttingar skrifara: 4r, 17v, 27v-28r, 31v, 37r, 40v, 43r, 46v.
• Athugasemdir við texta: 2v, 10v, 16v, 18v, 19r, 20r, 23v, 24v, 25v, 26v, 38v.
• Almennar athugasemdir: 27r, 47v.
• Pennakrot: 1v, 4v, 6v-7v, 10r-v, 12v, 13v-14v, 16v, 17v, 18v, 24v-26r, 27v-32v, 33v, 34v, 35v-36r, 37r, 38r-v, 40r-v, 43v-44r, 46r-47r.
• Áherslumerki: 35r.
• Bendistafir: 5v, 7r, 9r-10v, 12v, 15r, 16r, 18r, 19v, 21r, 22r, 24r, 26r, 33v.
• Leiðbeiningarstafir: 3r, 4r, 6r-v, 8v-9v, 13v, 15r, 16r, 17r, 20r, 21v, 22v-23v, 24v, 27v, 29r, 31r, 32r, 33v, 35r, 36v, 38r-39r, 40r-v, 43v-45r, 46r, 47v.
• Tákn: 12v, 33r, 48r-v.
• Síðutitlum bætt við á 17. öld.

Tveir seðlar fremst með hendi Árna Magnússonar.

• Seðill 1 (200 mm x 155 mm): „1. Eina bók í 4to. Þar á nokkuð lítið aftan af Valdimars sögu. Saga af Rafni og Gunnlaugi ormstungu, defect. Hallfreðar saga vandræðaskálds, def. Af sögu Rafns Sveinbjarnarsonar á Rafnseyri. Eiríks rauða saga og Þorfinns karlsefnis. Þáttur af Rögnvaldi í Ærvík. Dámusta saga, defect. Þáttur af slysa Hróa, defect. Eiríks saga víðförla. Stafs þáttur Rattarsonar. Þáttur af Karli vesala. Þáttur af Sveinka Steinarssyni, def. Lóðrétt á blaði stendur: „Þetta ei svo specificerað.““
• Seðill 2 (159 mm x 105 mm): „Þetta Dámusta sögublað hefi ég fengið frá Íslandi og lagði ég það hér innan í með því ég sé að það heyrði hingað [til]. “

Aðalskrifari sennilega Ólafs Loftssonar og tímasett c1420-1450 (sbr. Stefán Karlsson 1970:137-138 ). Kålund tímasetti til 15. aldar ( Katalog (I) 1889:708 ).

Árni Magnússon fékk handritið hjá Jóni Þorkelssyni Vídalín og hefur það annaðhvort tilheyrt Skálholtskirkju eða Brynjólfi Sveinssyni biskupi (sjá seðil fremst). Blað úr Dámusta sögu (bl. 40) barst stakt frá Íslandi (sjá seðil).

Stofnun Árna Magnússonar á Íslandi tók við handritinu 30. maí 1986.

• Svart-hvítar ljósmyndir á Det Arnamagnæanske Institut í Kaupmannahöfn.
• Svart-hvítar ljósmyndir á Stofnun Árna Magnússonar á Íslandi, sem keypti þær af Arne Mann Nielsen í January 1977.
• Ljósprent í  Corpus Codicum Islandicorum Medii Ævi (XIII) 1940 .