Manuscript Detail

Pappír með vatnsmerkjum.

• Aðalmerki: lítið skjaldarmerki í skreyttum hringlaga ramma. Fyrir innan er tré með þremur akörnum, fangamark PK og kóróna efst (IS5000-02-0138_1v), bl. 1, 4-5, 8-11, 17-19, 23-24, 28-30, 32-35. Stærð: 80 x 58 mm,

  Ekkert mótmerki.

  Notað frá 1623 til 1643.

• Eldri blaðsíðumerking 1-79; síðari tíma blaðmerking.

7 kver:

• I: spjaldblað - viðbót 2 (eitt tvinn + 3 blöð)
• II: bl. 1-7 (3 tvinn + eitt blað: 1+6, 2+5, 3+4, 7)
• III: bl. 8-15 (4 tvinn: 8+15, 9+14, 10+13, 11+12)
• IV: bl. 16-23 (4 tvinn: 16+23, 17+22, 18+21, 19+20)
• V: bl. 24-31 (4 tvinn: 24+31, 25+30, 26+29, 27+28)
• VI: bl. 32-40 (4 tvinn + eitt blað: 32+39, 33+38, 34+37, 35+36, 40)
• VII: spjaldblað (eitt blað)

• Eindálka.
• Leturflötur er ca 240 mm x 145 mm.

• Línufjöldi er ca 38-40.

• Eyða fyrir fyrsta upphafsstaf (sjá blað 1r).

• Ellefu efstu línurnar á blaði 1r eru yfirstrikaðar; þar um ræðir niðurlag annarrar sögu (Eyrbyggju, sbr. Katalog I ; mjög ógreinilegt).

• Blekblettir eru víða.

• Með hendi Jóns Gissurarsonar (léttiskrift) að undanskildu niðurlagi sögunnar á blaði 40r. Skrifari þess er óþekktur; léttiskrift.

• Nótur á bókfelli í gömlu bandi.

• Neðri helmingur blaðs 40r er skrifaður seinna á vegum Árna Magnússonar.
• Athugasemdir og lesbrigði á spássíum og á milli lína.
• Sums staðar er texti undirstrikaður, sbr. t.d. á blöðum 11r og 13r.

• Á saurblaði 1v er seðill merktur„Fra Universitetsbiblioteket Kristiania 22.2.1922.“ Hann er undirritaður af Wilhelm Mèunthe „Til Universitetsbiblioteket i Kjöbenhavn.“ Neðarlega á seðli er athugsemd Finns Jónssonar.
• Á saurblaði 2r eru tveir seðlar með hendi Árna Magnússonar.

  1) (97 mm x 149 mm): „Vatnsdæla saga með hendi Jóns Gissurssonar. Úr bók í folio (eldri en 1643) er ég fékk af Sveini Torfasyni 1704. Er (sem mér virðist) skrifuð eftir einni bók in folio með hendi séra Jóns í Villingaholti sem nú er eign Jóns Hákonarsonar á Vatnshorni.“

  2) (228 mm x 166 mm): „[Efst á seðlinum] Vatnsdæla sögu þessa bið ég að samanlesist við bók monsieur Jóns Hákonarsonar svo að hún verði orðrétt samhljóða. Um bókstöfunina hirði ég eigi mjög því hún er ómerkileg í hvorri tveggja bókanna. Það sem eigi stendur í bók monsieur Jóns Hákonar bið ég allt útdragist en þó svo að lesið verði. [Neðst á seðlinum] Þessi Vatnsdæla saga er nú samanlesin við áðurnefnda bók monsieur J.H.S. svo hún er orðrétt við hina samhljóða en það sem eigi er að finna í bók monsieur Jóns er allt undirdregið í þessari. Við Bókstöfuninni hrærði ég ekkert. Kom frá Íslandi frá Magnúsi Einarssyni 1727.“

Handritið er skrifað á Íslandi. Jón Gissurarson skrifaði það fyrir 1643 (sbr. seðil) og er það tímasett til um 1640 í Katalog I , bls. 99.

Það var upprunalega hluti af stærri bók sem innihélt einnig AM 126 fol., AM 136 fol., AM 165 f fol. og hluta AM 165 m fol.

Árni taldi handritið skrifað eftir bók Jóns Hákonarsonar á Vatnshorni í fol. í uppskrift Jóns Erlendssonar í Villingaholti. Hann fékk svar þar að lútandi frá Magnúsi Einarssyni en hann virðist hafa borið handritin saman að tilmælum Árna (sbr. seðil).

Á saurblaði 1v er seðill með athugasemdum Wilhelms Mèunthe við þessa tilgátu Árna.

Bókina sem handritið tilheyrði fékk Árni Magnússon frá Sveini Torfasyni árið 1704 (sbr. seðil).

Stofnun Árna Magnússonar á Íslandi tók við handritinu 30. maí 1974.

• Stafrænar myndir á www.sagnanet.is.
• Svart-hvítar ljósmyndir á Det Arnamagnæanske Institut í Kaupmannahöfn.